გინკგო

გინკგო (Ginkgo), შიშველთესლო­ვან ფოთოლმცვივან მერქნიან მცე­ნარეთა გვარი გინკგოსნაირთა ოჯახისა. ერთადერთი თანამედ­როვე სახეობა რელიქტური ორ­ნაკვთიანი გ­-სი (G. biloba) 30–40 მ სიმაღლისა და 1–9 მ დია­მეტრის ორსახლიანი გაშლილ­ვარჯიანი ხეა. აქვს გრძელყუნწია­ნი მარაოსებრი ფოთლები.

ბუნებ­რივად გავრცელებულია მხოლოდ აღმ. ჩინეთის მცირე ტერიტორია­ზე, სადაც წიწვოვან და ფართო­ფოთლოვან მცენარეებთან ერთად ქმნის ტყეებს. დეკორ. მცენარედ მოშენებულია მსოფლიოს მრავალ ბოტან. ბაღსა და პარკში.

საქართ­ველოში შემოტანილია XIX ს. 60­-იან წლებში შავი ზღვის სანა­პიროზე. განსაკუთრებით კარგად ხარობს კოლხეთის დაბლობზე, სადაც გიგანტურ ზომას აღწევს. ინტროდუქცირებულია აღმ. საქართველოშიც, კერძოდ, თბილის­ში (ბოტან. ბაღში). სამშობლოში 1000 წლამდე ცოცხლობს. ყინვაგამძლეა და ჩვენში შეიძლება მისი კულტივირება ზ. დ. 800 მ სიმაღლემდე.